وين الشباب....!!! بسرعه عندي لكم سالفه ..!!

مزيونه لولد عمها

--------------------------------------------------------------------------------
السلام عليكم كيف الحال جميع
وبعد غيبه ليست بقصيره اعود لكم
هذا خيال وخاااااص جدا للشباب

تخيل انك ساكن عند عمك ومره من المرات كنت جالس في المجلس تقهوى مع عمك وماعندك من الشيطان طاري قال عمك : منتهي..!!!
طبعا صح اسمك السيد منتهي ...
كم لك ساكن عندي في البيت ماكل شارب نايم بلاش

قلت : ليش انا ولد اخوك شعرة في لحيتك ياعمي

قال : لا.. هين.. الشعرة ذي بانتفها ان ماسمعت كلامي هالحين اسمع يامنتهي بناتي الثنتين مزيونه وهيله كبار هالحين والبنات اللي في سنهن تزوجن
وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونه يالله افرح يامنتهي

قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى مزيونه خبله ياعمي وفوق ذا شينه والله مافيها من الزين غير اسمها

اصبر ياعمي الصبر زين وانشاءالله يجي خبل ويعرس على بنتك

وترى ياعمي اسم مزيونه حركه تمويه وبيجيب لك زباين

وان كانك تبيني افرح زوجني هيله ياعمي ايه هيله عاد حليوه وتروح ملح مع طاريها

عاد انت من الوناسه والحب اللي يدغدغ قلبك نسيت عمرك وتنبطح على الأرض متشقق رايح وطي وتسولف وانت تلاقط رجولك نسيت نفسك

ماوعيت الا بطوفرية القهوة تلعب على علباك . وين الشباب....!!! بسرعه عندي لكم سالفه ..!! Eek

وين الشباب....!!! بسرعه عندي لكم سالفه ..!! Eek

.....ارسلها عليك عمك صاروخ

ويقول لك : قم بس لاتبطح عندي ماعندي خبل الا انت بياخذ مزيونه اسمع عاد مزيونه انا بلشان فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من مزيونه

قلت انت : كيف اعرس وانا ماعندي فلوس اجيب مهر ولاعندي بيت ولا سياره ..!!!

قال عمك : حكم الزير على الخنزير وانا عمك مهر مزيونه ريال واحد والبيت باسكنك عندي الدور الثاني فاضي وابشر بالسياره وين الشباب....!!! بسرعه عندي لكم سالفه ..!! DSC00005

وين الشباب....!!! بسرعه عندي لكم سالفه ..!! DSC00005

والعرس خلاص الأسبوع الجاي وعرسنا تراه سكتم بكتم

قلت انت : ياعمي هذي اول مره انا اعرس ماعندي خبره ويوم جيت اعرس اخذ خبله.. وين الشباب....!!! بسرعه عندي لكم سالفه ..!! Mad

وين الشباب....!!! بسرعه عندي لكم سالفه ..!! Mad

..!!!

قال : لاتخاف مزيونه عندها خبره لانها تزوجت ثلاثة رجاجيل قبلك واحد انهبل والثاني خرج ولم يعد والثالث جاه صلع وحمى الزوج المتصدع بس انت خذ اجازه من شغلك ولا تشيل هم هي تخربك قصدي تعلمك

وانت تطلع من المجلس وتدرعم على العمل تبي تستأذن من المدير عشان تستعد للعرس وقال لك سكرتيره ان المدير غايب له يومين امه متوفيه لاحول ولا قوة الا بالله
ولسان حالك يقول وش ذا الفال الشين هذا من اوله يامزيونه وتدرعم لبيت المدير وتدخل عليه في المجلس وتلقى المدير مع ابوه وقبل ماتعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب
وهو اللي يطمر ابو المدير من مكانه ويقول : بعدي والله يالسنافي اشهد انك رجال
وهو يجلسك جنبه
قلت للمدير : انا جايك ابي اجازه شهر ابي اتزوج الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم

قال ابو المدير : رح ياولدي منتهي لك بدل الشهر شهرين

وانت تستأذن وتطلع رايح لبيت عمك وانواع الحركات اللا اراديه بالشارع من هول المصيبه

المهم تزوجت مزيونه ودخلت بيتكم الجديد عش الزوجيه وتدخل الغرفه وتطفي اللمبه مستحي وتبي تتقرب لها طبعا فيه نور السور والع ههههههههه
وتقرب جنب مزيونه وتقول
مزيونه شوفي ساعتي تراها ماتولع في الليل ما امداك تكمل الجمله اللي اتوقعها انها غير مفيده ولا مكان بالاعراب مدري عن قواعد بغلادش يعربونها او بعد مايقوون الا بالأبجوره نازله على جبهتك
و شفت اللي يولع من جد نور احمر مافتحت عيونك الا في المستشفى وسبع غرز في جبهتك

وبكره عمك يزورك يبي يرقع السالفه وجايب لك حلاوه طحينيه لانه يعرف اللي تموت فيه انت هههههههه
وقال : يامنتهي البنت اكيد مستحيه منك لازم تاخذون على بعض روحوا تمشوا مثلا ودها حديقة الحيوانات ...!!!!!

قلت انت : فكره حلوه وين الشباب....!!! بسرعه عندي لكم سالفه ..!! Smile

وين الشباب....!!! بسرعه عندي لكم سالفه ..!! Smile

ايش رايك تكلم اهل الحديقة يجون ياخذونها

قال : الظاهر اني باكلمهم ياخذونك انت وياها .. قم بس اوصلك البيت

المهم طلعك عمك على حسابك خاف حقوق الانسان يجون ولا يدرون وين يحطون الجريمه مع ملفات حقوق الانسان او البهايم
وصلتو لبيت عمك
وانت تفتح الباب بشويش وانت خايف وتدخل راسك تويق وين الشباب....!!! بسرعه عندي لكم سالفه ..!! Redface

وين الشباب....!!! بسرعه عندي لكم سالفه ..!! Redface

اثر مزيونه متوزيه ورى الباب
وهي اللي تجرك بشوشتك لين المطبخ تبيك تاكل من غدا مسويته تحتفل بخروجك من المستشفى وتجلس وانت منطم ومنكتم ولا تعرف تقول حرف وياويلك اصلا لو فتحت كشرتك
وهي جالسه قدامك ومتربعه على الصحن وتناظر في الاكل ماعرفت وشو اكل معفوس رز على خبز مدري وش معه المهم ياربي لك الحمد لا ومن زود الرومنسيه حاطه في وسطه شمعه

وانت تخش جو الحب و تنفخ الشمعه لين طفت وطار رز من الصحن على جبهت مزيونه
وانت تسوي نفسك ما انتبهت وتمد يدك على صحن المعفوسه وتاكل لقمه ماقويت تبلعها لينها ملح وفلفل
وقلت معليش ياعمري فيني حرقان لا مغص هاه ..:!! لا مدري بس ما ابي اكل
وهي اللي توقف وتدور عليك دورتين وانت مسوي نفسك ثقل يعني انها ماهمتني وهي تجي من ورا ظهرك وتهجم عليك وهي اللي ترجفك برجلها ويصمخ راسي بالجدار اشوى ان الجدار كان موجود والا كان ماريردك غير السور
وتاخذ الأكل وترميه مع الشباك على القطاوه !! مساكين القطاوه وش ذنبهم ياكلونه

قلت انت طبعا بقلبك مستحيل تسمع شي
ايه هين يالخبله والله ماخلي حقي وباليل يوم نامت تدخل المطبخ وتطبخ لها شوربه وتحط فيها سم فيران جيت توديه لها قلت: مسكينه الشوربه حاره خلني ابردها اخاف تلسعها حرام
وتبردها وتاوديها لها كاعتذار على اللي قلته عن طبختها وانت مرجوف وحالتك حاله هههههههههههههه

وبنت الحلال الخبله ماردت هديتك ا خذت الشوربه منك بس يوم شافت ان الشوربه بارده وهي اللي تخبطها على جبهتك على نفس الجرح وعلى المستشفى وتزيد الغرز من سبع الى تسع

وشهرين وانتم على هالحال خبط وخبيط وانت مغير رايح جاي على المستشفى حتى من كثر ماتروح المستشفى كاتبين على باب وحده من الغرف,,, غرفه منتهي,,, جزاهم الله الف خير

انت ماعاد قويت تحتمل اللي جرالك راسك صاير كله شقوق صاير منخل

وتنزل تحت على عمك وترمي عليه مفاتيح الكابرس هههههه
وتقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك

وورقة طلاق مزيونه بتجيك اليوم وتنحاش من المجلس وتطلع للشقه وتقعد تضف غريضاتيك كلها طبعا علاجات اغراضك هههههههه
وتسمع طق الباب وتنزل تبي تفتح وتلقى عمك معه الخبله مزيونه عند الباب

قلت انت : ادري ياعمي باطلع من شقتك اليوم

قال : لا تطلع انثبر في الشقه وخذ مفتاح سيارتك بتحتاجها بعدين !!!

!

!

!

توصل عيالك مزيونه حامل وين الشباب....!!! بسرعه عندي لكم سالفه ..!! Eek

:
ما انت سهل يالمنتهي سويتها انت والخبله [/color]
[/size]

غلا صراحة نص القصة ما مفهومة ياريت لو تكتبيها بطريقة مفهومة أكثر
شكرا على الموضوع

ليش ما مفهومه

أنا ما كاتبتها بالهندي

الظاهر نرريد متررجم عشان يتررجملك نسيبه

» عندي مشكلة في المنتدى
» متمشكله السكر مرتفع عندي أرجووووووووووا العطف
» لا تقرأ سورة الفاتحة بسرعه!!!
» قصة الفســـــــــــــــاد السياسي هههههههه روعه ادخل بسرعه
» تبي تصير مشرف غصب عن الي يرضى والي مايرضى ادخل بسرعه