علمي و لا أدبي

موضوع: علمي و لا أدبي الأحد مارس 01, 2009 6:36 pm

احتاروا الشباب وين يدخلون علمي ولا أدبي وكل واحد دخل القسم اللي يبيه يا أنه مع ربعه ولا يبي يفتك من الرياضيات والفيزياء واللي يبي يفتك من التاريخ والي يبي ......والي يبي.....
وفي هالوقت قام واحد من شباب العلمي كتبت هالقصيده :

حسبي الله على من تسلط على المسلمين

ضعنا ونبي رايكم يالسامعين

سهرنا الليل ورحنا نقول دارسين

وقلوبنا من الاسئلة حافظين

حفظنا الذهب والفضة وجانا الخارصين

والفراغات مليناها كلها تخمين

ورحنا للسؤال الثاني على بالنا فاهمين

معادلات مع الاوزان عز الله ضايعين
ماعرفنا من الرموز الا الماء والاكسجين

والا السؤال الثالث يامن يعين

مسالة مانعرف لها راس من رجلين
اكتب الصيغة الوزنية ماحنا عارفين
والقوانين والله يستر على القوانين
تكسرت الالة من الطقطقة مابقى الا زرين

والمصيبة مشرفنا يصرخ يانايمين

من زود الوناسة شايفينا قاعدين

سلمنا الاوراق مافيها صح الا اثنين
الاسم ورقم الفصل وعلى الباقي مشطبين

ياناس انصفونا من الظالمين
والا ترانا اخر السنه من الراسبين

واخرتها سلامتكم يالربع والسالمين
واذا مااشتكينا لكم نشتكي لمين
،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،، ،،،،،،،،،،،،،،،،،،،،،،،،،،،،،
شافوه شباب الأدبي و تبرع واحد منهم وردت :

من قال لكم تدخلون علمي يالمجانين

هذي هي سوات ايديكم يالفالحين

اسهروا ليلكم مع نهاركم ياالشاطرين
وحنا بنشخر مع النايمين

وحفظ الادب والمكتبة ومواد الدين

على طول بنجاوب دامنا حافظين

قلنا لكم نيوتن وفيثاغورس ميتين

وجعلكم ماتصيرون بانفسكم فالحين

واخرتها الله يسلمكم يالسامعين

وان شاء الله نشوفكم مع الراسبين
،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،، ،،،،،،،،،،،،،،،،،،،،،،،
تنرفزوا شباب العلمي وقالوا :

دايم عند الاداره يامخبل متهاوشين

تحطون راسكم براس العلمي يالمساكين

ترى لكم الكرف والبيت وغسل المواعين

اتركوا عنكم الحقد مركزنا منتوب واصلين حنا لنا العلم والمستقبل يالمساكين

واخرها الله لايسلمكم من البلاء يالمساكين
واخر السنه ان شاء الله نكون من الناجحين
،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،، ،،،،،،،،،،،،،،،،،،،،،،،،،،،،،،،،،،،
وراح واحد بطالي جالس فالبيت

لا شغل ولا مشغلة

لا دراسة ولا وظيفة محترمة

رد عليهم وقال:

لاعلمي ولا أدبي أحسلنا جالسين فالبيت
نشرب بيبسي ونأكل بسكويـــــــــــــــــــت

نلعب بالكيرم ونطالع التلفزيون
ندخل النت ونتكلم فالتلفــــون

نقرأ المجلة والمكيف شغال
نطلع ندور وبدون نعـــــــــال

ننام النهار ونسهر بالليل
نروح البحر ونركب الخيـل

و السموحه منكم

طبعا أنا من شباب ا ل أ د ب ي

موضوع: رد: علمي و لا أدبي الأحد مارس 01, 2009 8:47 pm

قصيدة حلوووووووووووه والله

أنا علــــــــــمي

مشكور ع المرور

عيل يصلحلك هذا البيت

من قال لكم تدخلون علمي يالمجانين

هذي هي سوات ايديكم يالفالحين

اسهروا ليلكم مع نهاركم ياالشاطرين
وحنا بنشخر مع النايمين

وحفظ الادب والمكتبة ومواد الدين

على طول بنجاوب دامنا حافظين

قلنا لكم نيوتن وفيثاغورس ميتين

وجعلكم ماتصيرون بانفسكم فالحين

واخرتها الله يسلمكم يالسامعين

بتييبنا الأيام إن شاء الله ,,, و بنتذاكر وياك خيووو ,,, ع العموم ,,مشكور

ولا تزعل

مشكور مره ثانيه ع المرور

والله ما زعلان ,,,

وما بنيننا الزعل

هههههههههههههههههههههههههههه أدبي أدبي أدبي وبس لانه العلمي بيطلعني صلعه بدون شعر أنتف شعر راسي طوووووووووووووول السنة

موضوع: رد: علمي و لا أدبي السبت مارس 07, 2009 5:46 am

أدبي و بس

» علمي طفلكِ كيف يكون مدير اعمال .!